திருக்குறள் - அருளுடைமை

25 .  அருளுடைமை

            241 .     அருட்செல்வம்     செல்வத்துள்     செல்வம்     பொருட்செல்வம்

                          பூரியார்     கண்ணும்     உள .

பொருள் :

                அருள்     செல்வமே     செல்வங்களிலெல்லாம்     சிறந்தது .     பொருள்     செல்வம்     இழிந்தவர்களிடமும்     உள்ளது .

            242 .     நல்லாற்றால்     நாடி     அருளாள்க     பல்லாற்றால்

                          தேரினும்     அஃதே     துணை .

பொருள் :

                நல்ல     வழியில்     ஆராய்ந்து     அருள்     உடையவராய்     வாழ     வேண்டும் .     பல     வழிகளைத்     தேர்ந்தெடுப்பினும்     அதுவே     துணையாய்     விளங்கும் .

            243 .     அருள்சேர்ந்த     நெஞ்சினார்க்     கில்லை     இருள்சேர்ந்த

                          இன்னா     உலகம்     புகல் .

பொருள் :

                அருள்     நிறைந்த     உள்ளம்     உடையவர்கள் ,     அறியாமை     என்னும்     இருள்     சூழ்ந்த     உலகில்     நுழைய     மாட்டார்கள் .

            244 .     மன்னுயிர்     ஓம்பி     அருளாள்வார்க்கு     இல்லென்ப

                          தன்னுயிர்     அஞ்சும்     வினை .

பொருள் :

                பிற     உயிர்களைக்     காக்கும்     அருள்     உள்ளம்     கொண்டவர்க்கு ,     தன்     உயிரைப்     பற்றி     அஞ்சி     வாழும்     நிலை     இல்லை .

            245 .     அல்லல்     அருளாள்வார்க்கு     இல்லை     வளிவழங்கும்

                          மல்லல்மா     ஞாலம்     கரி .

பொருள் :

                அருள்     உள்ளம்     கொண்டவர்க்கு     துன்பம்     இல்லை .     காற்று     இயங்கும்     இந்த     உலகிலுள்ள     அருளாளர்களே     அதற்கு     சாட்சியாவர் .

            246 .     பொருள்நீங்கிப்     பொச்சாந்தார்     என்பர்     அருள்நீங்கி

                          அல்லவை     செய்தொழுகு     வார் .

பொருள் :

                அருள்     இல்லாமல்     தீங்கு     செய்வோரை ,     அறமாகிய     இலட்சியத்தை     மறந்தவர்     என்றே     சான்றோர்     கூறுவர் .

            247 .     அருளில்லார்க்கு     அவ்வுலகம்     இல்லை     பொருளில்லார்க்கு

                          இவ்வுலகம்     இல்லாகி     யாங்கு .

பொருள் :

                செல்வம்     இல்லாதவர்க்கு     இந்த     உலக     வாழ்க்கை     சிறப்பாக     அமையாதது     போன்று ,     அருள்     உள்ளம்     இல்லாதவர்க்கு     ஆன்மிக     வாழ்க்கையும்     சிறப்பாக     அமையாது .

            248.     பொருளற்றார்     பூப்பர்     ஒருகால்     அருளற்றார்

                          அற்றார்மற்     றாதல்     அரிது .

பொருள் :

                பொருளை     இழந்தவர்     ஒரு     காலத்தில்     அதை     மீண்டும்     பெறுவர் .     அருள்     குணத்தை     இழந்தவர்     அதை     எக்காலத்தும்     பெற     முடியாமல்     துன்பம்     அடைவர் .

            249 .     தெருளாதான்     மெய்ப்பொருள்      கண்டற்றால்     தேரின்

                          அருளாதான்     செய்யும்     அறம் .

பொருள் :

                அருள்     உள்ளம்     இல்லாதவன்     செய்கின்ற     அறம் ,     அறிவற்றவன்     ஒரு     நூலின்     உண்மைப்     பொருளை     அறிந்து     கொள்ள     முயற்சிப்பதைப்     போன்றதே     ஆகும் .

            250 .     வலியார்முன்     தன்னை     நினைக்காதவன்     தன்னின்

                          மெலியார்மேல்     செல்லும்     இடத்து .

பொருள் :

                தன்னைவிட     மெலிந்தவர்களைத்     துன்புறுத்தும்போது ,     தன்னைவிட     வலியவர்முன் ,     தான்     அஞ்சி     நிற்கும்     நிலையை     எண்ணிப்     பார்க்க     வேண்டும் .

தொடர்ச்சி